ԵՐԵՎԱՆ, 16 հոկտեմբերի - Sputnik. Արցախի հյուսիսում այսօր հակառակորդին չի հաջողվել գրավել ոչ մի բարձունք։ Այս մասին այսօրվա ասուլիսի ժամանակ հայտնել է Հայաստանի պաշտպանության նախարարության ներկայացուցիչ Արծրուն Հովհաննիսյանը։
«Այսօր վաղ առավոտյան Ադրբեջանի զինված ուժերը և ահաբեկիչները հյուսիսային և հարավային ուղղություններով երկար հրետակոծությունից հետո անցել են լայնածավալ հարձակման։ Հյուսիսում երկու կատաղի գրոհներից հետո մեր ուժերը հետ են շպրտել հակառակորդին։ Հյուսիսում հակառակորդը չի կարողացել գրավել ոչ մի բարձունք ու դիրք», – ասել է Հովհաննիսյանը։
Արցախի հարավում հայկական զորքերը վերախմբավորվել են, մինչ այս պահը ծանր մարտերը շարունակվում են։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում