ԵՐԵՎԱՆ, 14 հոկտեմբերի – Sputnik. ՀՀ պաշտպանության նախարարության ներկայացուցիչ Արծրուն Հովհաննիսյանը Faebook-ում գրառում է արել` անդրադառնալով հակառակորդի` մարտի դաշտում մնացած դիակների խնդրին։
«Երբևէ ադրբեջանական բանակի ղեկավարությունը այսպիսի անհարգալից վերաբերմունք չի դրսևորել սեփական զոհերի ու դիակների նկատմամբ։ Դրանք թողնված են դաշտերում, ձորերում ու ճահճուտներում»,– գրել է Հովհաննիսյանը։
Նշենք, որ համացանցը ողողված է տեսանյութերով, որտեղ ներկայացված են հակառակորդի` մարտի դաշտում մնացած բազմաքանակ դիակները։
Ադրբեջանը չի դիմել իր զինվորականների դիերը տարհանելու խնդրանքով. Հովհաննիսյան
Հիշեցնենք` մարտի դաշտում մնացած զոհերին տեղափոխելու նպատակով հոկտեմբերի 10-ին Հայաստանի, Ռուսաստանի և Ադրբեջանի արտգործնախարարների մասնակցությամբ ձեռք էր բերվել հումանիտար հրադադարի պայմանավորվածություն։ Ադրբեջանը, սակայն, այդ պայմանավորվածությունը ոչ մի րոպե չի պահպանել։
ՊԲ–ի հրապարակած տեսանյութում երևում են Ադրբեջանի զինծառայողների դիերը. 21+