ԵՐԵՎԱն, 11 հոկտեմբերի - Sputnik. ՀՀ պաշտպանության նախարարության մամուլի քարտուղար Շուշան Ստեփանյանի անունով Twitter-ում կեղծ էջ է բացվել հետևյալ հասցեով` https://twitter.com/ShStepanyans: Տեղեկությունը Facebook–ի իր էջում հայտնել է ինքը` Ստեփանյանը։
Նշենք, որ հետևորդներին շփոթեցնելու նպատակով այն իր կառուցվածքով ու ձևավորմամբ շատ նման է Շուշան Ստեփանյանի իրական էջին:
ՊՄ մամուլի խոսնակն օգտատերերին հորդորում է աջակցել սոցիալական կայքի ղեկավարությանը տեղյակ պահելու կեղծիքի մասին և չշփոթել այն իր իրական էջի հետ:
Կեղծիքը բացահայտել է Տեղեկատվության ստուգման կենտրոնը:
«Խնդրում ենք չշփոթել։ Իրականը https://twitter.com/ShStepanyan, կեղծը՝ https://twitter.com/ShStepanyans»,- հայտնում է Տեղեկատվության ստուգման կենտրոնը:
Նշենք, որ Արցախում սադրած լայնածավալ ռազմական գործողություններին զուգահեռ`թշնամին նաև տեղեկատվական պատերազմ է վարում, որին դիմագրավելը պակաս կարևոր չէ հայկական կողմի համար։ Ադրբեջանցիներն ապատեղեկատվություն են տարածում ոչ միայն հազարավոր կեղծ էջերի միջոցով, այլև արդեն որերորդ անգամ դիմում են նաև այսպիսի միջոցների` իրենց համար ցանկալի կեղծ լուրերը հայ պաշտոնյաների «բերանով» տարածելու համար։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 165 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:
Ինչին պետք է ընտելանանք, եթե Ադրբեջանի հետ պատերազմը երկարի
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո