ԵՐԵՎԱՆ, 9 հոկտեմբերի - Sputnik. Ռազմական մեկնաբան Յուրի Կոտենոկը, որը վիրավորվել է Շուշիի Սուրբ Ղազանչեցոց եկեղեցու հրթիռակոծության հետևանքով, սանավիացիայի ծառայության ուղղաթիռով տեղափոխվեց Երևան: Տեղեկությունը հայտնում է Sputnk Արմենիայի թղթակիցը։
Ուղղաթիռը վայրէջք կատարեց «Էրեբունի» բուժկենտրոնի մոտ։ Բացի Կոտենոկից, ևս երկու հոգի այսօր առավոտյան տեղափոխվեցին «Էրեբունի»` հետագա բուժում ստանալու։ Վիրավորները կտեղափոխվեն Մոսկվա, թե ոչ, դեռ հայտնի չէ։
Հիշեցնենք` Կոտենոկը վիրավորվել էր երեկ, երեկոյան նրա վիճակը ծանր էր։ Բացի նրանից, միջին ծանրության վնասվածքներ են ստացել նաև «Ռուսաստանի սպաներ» պորտալի հատուկ թղթակից Լևոն Արզանովը և նրանց ուղեկցող Հրանտ Բալադյանը:
Գիշերը լրագրողին կրկին վիրահատել են։ Նա մոտ 3,5 լիտր արյուն էր կորցրել, բայց բժիշկները կարողացել էին վերականգնել այն։ Կոտենոկը նաև վերքեր ունի որովայնի և վերջույթների հատվածում։
Ռուսաստանում Հայաստանի դեսպան Վարդան Տողանյանը երեկ Sputnik Արմենիային ասել էր, որ դեսպանությունը պատրաստ է ստանձնել Շուշիում հրթիռակոծության հետևանքով վիրավորված ռուս լրագրողի տեղափոխումը Մոսկվա, եթե դրա անհրաժեշտությունը լինի։
Արցախի Մարդու իրավունքների պաշտպանն այցելել է Շուշիի եկեղեցում վիրավորված լրագրողներին