ԵՐԵՎԱՆ, 9 հոկտեմբերի - Sputnik. Ռուսաստանի վարչապետ Միխայիլ Միշուստինը Երևանում ԵԱՏՄ միջկառավարական խորհրդի նիստում ցավակցություն է հայտնել Լեռնային Ղարաբաղում մարտական գործողությունների ընթացքում զոհվածների հարազատներին ու մերձավորներին:
Ռուսաստանի կառավարության ղեկավարը շեշտել է Լեռնային Ղարաբաղի հակամարտության գոտում ռազմական գործողությունների դադարեցման անհրաժեշտությունը:
Նրա խոսքով՝ Ռուսաստանը՝ ԵԱՀԿ Մինսկի խմբի մյուս համանախագահ երկրների հետ միասին, պատրաստ է աջակցել խնդրի բացառապես խաղաղ կարգավորմանը:
Ըստ ՀՀ պաշտպանության նախարարության վերջին տվյալների ՝ հայկական կողմից զոհվել է 376 զինծառայող և 22 խաղաղ բնակիչ:
«Չնայած խնդիրներին, հայերը պատրաստ են գնալ մինչև վերջ». Փաշինյանը` ԵԱՏՄ նիստում
Նշենք, որ ԵԱՏՄ միջկառավարական խորհրդի նիստն Երևանում ընթանում է Ղարաբաղյան հակամարտության գոտում ռազմական գործողությունների ֆոնին։ Վարչապետ Նիկոլ Փաշինյանը նիստի բացման խոսքում շնորհակալություն է հայտնել գործընկերներին ՝ նման դժվարին պահին Երևան ժամանելու համար: