ԵՐԵՎԱՆ, 9 հոկտեմբերի – Sputnik. ԵԱՏՄ գազի ընդհանուր շուկայի ստեղծման մեթոդաբանական հիմքերը պետք է պատրաստ լինեն մինչև 2020 թվականի ավարտը: Այս մասին Երևանում ընթացող Եվրասիական տնտեսական միության Միջկառավարական խորհրդի նիստում հայտարարել Է Բելառուսի վարչապետ Ռոման Գոլովչենկոն։
«Չնայած խնդիրներին, հայերը պատրաստ են գնալ մինչև վերջ». Փաշինյանը` ԵԱՏՄ նիստում
«Գազի ընդհանուր շուկայի ստեղծման առաջին փուլը մեթոդական և կազմակերպված հիմքի ձևավորումն է։ Այն պետք է կազմված լինի մինչև ընթացիկ տարվա ավարտը»,-հայտարարել է Գոլովչենկոն։
Գերատեսչական մակարդակով նման աշխատանք արդեն ընթանում է, իսկ կատարված աշխատանքների մասին զեկույցը կներկայացվի պետությունների ղեկավարներին։ Դրանից հետո երկրորդ փուլ անցնելու մասին որոշում կկայացվի։ Բելառուսի վարչապետը հայտարարել է, որ մոտ ժամանակներում համատեղ ջանքեր կպահանջվեն փաստաթղթերի մշակման ուղղությամբ:
Հիշեցնենք, որ Եվրասիական տնտեսական միության նավթի և գազի, ինչպես նաև էլեկտրաէներգիայի միասնական շուկան նախատեսվում է ստեղծել մինչև 2025 թվականը։