ԵՐԵՎԱՆ, 8 հոկտեմբերի – Sputnik. ԵԱՀԿ–ն տեղեկություններ չունի Ղարաբաղյան հակամարտության կողմերի միջև պայմանավորվածության մասին։ Այս մասին ՌԻԱ Նովոստիին հայտնել են կազմակերպության մամուլի ծառայությունից:
Լեռնային Ղարաբաղի շուրջ բանակցություններն ընթանում են Ժնևում: Դրանց մասնակցում են ԵԱՀԿ Մինսկի խմբի համանախագահները (Ռուսաստան, Ֆրանսիա, ԱՄՆ) և Ադրբեջանի ներկայացուցիչները։
Ինչպես գործակալությանը հայտնել են Ֆրանսիայում ՄԱԿ-ի մշտական ներկայացուցչությունից, հանդիպումն անցնում է ՄԱԿ-ի սահմաններից դուրս գաղտնի վայրում և փակ ձևաչափով: Դրան մասնակցում են ԵԱՀԿ համանախագահները Ռուսաստանից, Ֆրանսիայից և ԱՄՆ-ից։
Ավելի վաղ ԶԼՄ-ներում տեղեկություն էր հայտնվել, որ կողմերն իբր պայմանավորվածություն են ձեռք բերել այսօր ժամը 18:00-ին մարտական գործողությունները դադարեցնելու մասին:
Լեռնային Ղարաբաղի պաշտպանության բանակը հերքեց այդ տեղեկությունը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 8-ի ժամը 11։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4069 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 145 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 496 տանկ և ՀՄՄ:
Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն