ԵՐԵՎԱՆ, 7 հոկտեմբերի - Sputnik. Ռուսաստանի Դաշնության պաշտպանության նախարար Սերգեյ Շոյգուն հեռախոսազրույց է ունեցել Հայաստանի ու Ադրբեջանի ռազմական գերատեսչությունների ղեկավարներ Դավիթ Տոնոյանի ու Զաքիր Հասանովի հետ, տեղեկացնում է RT հեռուստաընկերությունը։
Նշվում է, որ Սերգեյ Շոյգուն Տոնոյանի ու Հասանովի հետ քննարկել է ղարաբաղյան հակամարտության գոտում տիրող ընթացիկ իրավիճակը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Անցած օրերին Ռուսաստանը բազմիցս հանդես է եկել ռազմական գործողությունները դադարեցնելու կոչերով։