ԵՐԵՎԱՆ, 7 հոկտեմբերի - Sputnik. Ադրբեջանը հրետակոծում է Արցախի Հանրապետության Հադրութ քաղաքը։ Այս մասին հայտնում է ՀՀ Պաշտպանության նախարարության ներկայացուցիչ Արծրուն Հովհաննիսյանը։
«Թիրախավորում են Հադրութ քաղաքը»,– Facebook-ի էջում գրել է Հովհաննիսյանը։
Նշենք, որ շուրջ մեկ ժամ առաջ Ադրբեջանը վերսկսել էր նաև Ստեփանակերտի ու Շուշիի հրետակոծումը։
Հիշեցնենք, որ Հադրութի բնակելի տներն ու քաղաքացիական ենթակառուցվածքները պատերազմի առաջին օրվանից ինտենսիվ հրետակոծվում են Ադրբեջանի զինված ուժերի կողմից։
Հրետակոծությունների հետևանքով Հադրութում զոհվել է 1 քաղաքացի։
Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 7-ի ժամը 16։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
«Մենք արդեն կոփվել ենք». Հադրութի քաղաքապետի տան վրա ռեակտիվ արկ է ընկել
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ