ԵՐԵՎԱՆ, 6 հոկտեմբերի – Sputnik. Հայաստանի խորհրդարանի եզդի պատգամավոր, «Իմ քայլը» խմբակցության անդամ Ռուստամ Բաքոյանը կոչով դիմել է Ադրբեջանի ազգային փոքրամասնություններին ու մասնավորապես թալիշներին ու լեզգիներին։
«Դուք ապրում եք ձեր պատմական հայրենիքում և իրավունք ունեք ինքնորոշվելու, և այդ հարցում` որպես ՀՀ ազգային փոքրամասնություն, մենք էլ տրամադրում ենք մեր ունեցած բոլոր ռեսուրսները, որ դուք կարողանաք կառուցել ձեր պետությունը, ձեր պետականությունը»,– ասաց Բաքոյանը։
Պատգամավորը նաև շեշտեց, որ Հայաստանում ապրող ազգային փոքրամասնություններն ինքորոշման խնդիր չունեն, քանի որ ՀՀ լիիրավ քաղաքացիներ են, իրենց լիարժեք քաղաքացի են համարում և հայերի հետ միասին ուս–ուսի են անցնում բոլոր լայն ու նեղ օրերի ճանապարհներով։
«Ադրբեջանի կողմից Հայաստանի ու Արցախի դեմ սանձազերծված պատերազմին մասնակցող ահաբեկիչների դեմ այս պահին հարավային ուղղությամբ մարտնչում է հենց եզդիական ջոկատը։ Այդ սիրիացի վարձկաններին եզդիները պարտք ունենՍինջարում 2014թ–ի եզդիների ցեղասպանության դիմաց, ու այդ պարտքը մարտի դաշտում տալու են»,– հայտարարեց Բաքոյանը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ