ԵՐԵՎԱՆ, 5 հոկտեմբերի - Sputnik. Ֆրանսիայի արտգործնախարար Ժան-Իվ Լը Դրիանը Twitter-ի իր էջում գրել է, որ իր երկիրը մոբիլիզացնում է ջանքերը Լեռնային Ղարաբաղում ռազմական գործողությունների դադարեցման և բանակցային գործընթացի վերսկսման համար։
Նա նշել է, որ պայմանավորվածություն է ձեռք բերել ՌԴ արտգործնախարար Սերգեյ Լավրովի հետ ԵԱՀԿ Մինսկի խմբի համանախագահների ջանքերի շրջանակում հրատապ միջոցառումներ ձեռնարկել Լեռնային Ղարաբաղի հակամարտության կարգավորման ուղղությամբ:
«Եվ ես այդ մասին կրկին ասել եմ Հայաստանի և Ադրբեջանի իմ գործընկերներին», - հավելել է ֆրանսիացի նախարարը:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ