ԵՐԵՎԱՆ, 3 հոկտեմբերի – Sputnik. Հայաստանի ֆուտբոլի ազգային թիմի անդամ Վահան Բիչախչյանը «Ժիլինա» ակումբի կազմում իր գոլը նվիրել է հայ զինվորին: Ֆուտբոլիստը Instagram–ի իր էջում լուսանկարներ է հրապարակել, որոնցում երևում է Բիչախչյանի հագած խորհրդանշական շապիկը։ Դրա վրա գրված է.
«Աստված պահապան հայ զինվորին»:
Հայաստանի ֆուտբոլի ընտրանու անդամ Վահան Բիչախչյանը «Ժիլինայի» կազմում գոլի հեղինակ է դարձել հանդիպման 23-րդ րոպեին: Գոլից հետո Բիչախչյանը երկրպագուներին ցույց է տվել իր շապիկի վրայի խորհրդանշական պատկերը։
Հիշեցնենք, որ Սլովակիայի ֆուտբոլի առաջնության 9-րդ տուրում «Ժիլինան» սեփական հարկի տակ հյուրընկալել է «Դունայսկա Ստրեդային» և առավելության հասել 4:1 հաշվով:
Այսօր թիրախավորվել են մեր երեխաները, վաղը կարող են լինել ձերը. Մխիթարյանը դիմել է աշխարհին