ԵՐԵՎԱՆ, 3 հոկտեմբերի – Sputnik. ՀՀ ՊՆ ներկայացուցիչ Արծրուն Հովհաննիսյանը քիչ առաջ ճեպազրույցում ներկայացրեց այսօր ամբողջ օրվա մարտական գործողությունների արդյունքում հակառակորդի կրած կորուստները։
Հովհաննիսյանի խոսքով` միայն վերջին 1 օրվա ընթացքում հակառակորդը տվել է 440-450 զոհ, 800-900 վիրավոր։ Ընդհանուր պատերազմի ընթացքում զոհերի թիվը 2300 է։
Ադրբեջանը հատել է բոլոր կարմիր գծերը. ռազմական փորձագետը` թշնամու կիրառած զենքերի մասին
Մեկ օրում խոցվել է հակառակորդի 10 ԱԹՍ (ընդհանուր խոցվածների թիվը 113 է), մարտի մեջ մտած 45 զրահատեխնիկա (ընդհանուր`250): Խոցվել է նաև մարտի մեջ չմտած 8-9 տասնյակ զրահատեխնիկա, 3 սմերչ, 3 ինքնաթիռ, 1 ուղղաթիռ։
«Ահա այսպիսի ծանր մարտեր են մղվում հյուսիսի և հարավի ուղղությամբ։ Մեր զորքերը ցուցաբերում են աննախադեպ քաջություն, հմտություն, գրագիտություն ու կասեցնում են հակառակորդի մեծ թափ ունեցող հարձակումները»,– ասաց Հովհաննիսյանը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 16։00-ի դրությամբ` հակառակորդի կրակոցների հետևանքով զոհվել են 209 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։