ԵՐԵՎԱՆ, 3 հոկտեմբերի - Sputnik. ԱՄՆ Պետական դեպարտամենտի Եվրոպայի ու Եվրասիայի հարցերով բյուրոյի ղեկավար Ֆիլիպ Ռիկերն աշխատանքային այցով Թուրքիա է մեկնում։ Տեղեկությունը հրապարակվել է Պետդեպարտամենտի կայքում։
«Դեսպան Ռիկերը հոկտեմբերի 3-5 Ստամբուլ ու Անկարա կայցելի։ Նա ՆԱՏՕ-ի շրջանակում ԱՄՆ դաշնակցի հետ կքննարկի երկկողմանի հարաբերությունները, իրավիճակը Արևելյան Միջերկրական ծովում և Կովկասում», -նշված է Պետդեպարտամենտի հաղորդագրության մեջ։
Թուրքիան Արցախի հանդեպ ատելության ու ագրեսիայի հռետորաբանություն է վարում Ադրբեջանի հարձակման առաջին իսկ օրից։
«Ադրբեջանն արդեն մեծ տարածք է ազատագրել։ Հուսամ՝ այն կշարունակի իր պայքարը, մինչև չազատագրի Ղարաբաղի իր ամբողջ հողերը»,–Թուրքիայի նախագահ Ռեջեփ Թայիփ Էրդողանի վերջին հայտարարությունն այսպիսին էր։
Ավելի վաղ նա քննադատել էր ԵԱՀԿ Մինսկի խմբի նախագահներ Պուտինի, Մակրոնի ու Թրամփի հայտարարությունները Արցախում հրադադար վերականգնելու վերաբերյալ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի