ԵՐԵՎԱՆ, 2 հոկտեմբերի - Sputnik. Քիչ առաջ երկու պայթյուն է որոտացել Արցախի մայրաքաղաք Ստեփանակերտում։
Ինչպես Ստեփանակերտից հաղորդում է Sputnik Արմենիայի թղթակիցը, առաջին պայթյունից հետո միացել է օդային տագնապի ազդանշանը։ Այդ պահին արդեն որոտացել է նաև երկրորդ պայթյունը։
Դրանց հաջորդել են նաև մի քանի այլ պայթյուններ։
Sputnik Արմենիայի թղթակիցը հայտնում է, որ այս պահին դժվար է հասկանալ, թե ինչ է կատարվում քաղաքում։ Հնարավոր է միայն արձանագրել, որ պայթյունները հուժկու են։ Օդային տագնապի ազգանշանը դեռ հնչում է Ստեփանակերտում։
Հիշեցնենք, որ սա Ադրբեջանի կողմից սանձազերծած պատերազմի ժամանակ Արցախի մայրաքաղաքը ռմբակոծելու երկրորդ դեպքն է։
Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի