ԵՐԵՎԱՆ, 28 սեպտեմբերի – Sputnik. «Զվարթնոց» միջազգային օդանավակայանն աշխատում է սովորական ռեժիմով՝ առանց փոփոխությունների։ Sputnik Արմենիայի թղթակցի հետ զրույցում ասաց օդանավակայանի մամուլի քարտուղար Սաթենիկ Հովհաննիսյանը։
«Այս պահին օդանավակայանի աշխատանքում ոչ մի փոփոխություն նախատեսված չէ։ «Զվարթնոցն» աշխատում է սովորական ռեժիմով, թռիչքներն իրականացվում են ըստ չվացուցակի», - նշեց Հովհաննիսյանը:
Նրա խոսքով` օդանավակայանն ինքնաթիռներն ընդունում և ճանապարհում է սովորական ռեժիմով:
Հիշեցնենք` սեպտեմբերի 27-ի ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։
Հրետանու կիրառության խտությունն աննախադեպ է. մեր հրետանավորները փայլում են
Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։