ԵՐԵՎԱՆ, 28 սեպտեմբերի - Sputnik. Արցախից խաղաղ բնակչության տարհանում չի իրականացվում։ Լրագրողների հետ ճեպազրույցում վստահեցրեց ՀՀ ՊՆ ներկայացուցիչ Արծրուն Հովհաննիսյանը` անդրադառնալով շրջանառվող լուրերին, թե մասսայական տարհանում է իրականացվում։
Նշենք, որ մեծ թվով մարդիկ են սոցցանցերում պատրաստակամություն հայտնել իրենց տներում, հյուրատներում հյուրընկալել Արցախից ընտանիքների։
«Արցախից բնակիչներին հյուրընկալելու անհրաժեշտություն այս պահին չկա, քանի որ մասսայական տարհանում հասկացություն չկա»,–ասաց Հովհաննիսյանը։
Նրա խոսքով` եթե նման անհրաժեշտություն լինի, ապա ՀՀ կառավարությունը, գերատեսչությունները կասեն` ինչքան հյուրատուն է պետք, ինչքան տուն։
Արցախի օպերատիվ շտաբից նույնպես Sputnik Արմենիայի հետ զրույցում մասսայական տարհանման լուրերը հերքել էին` նշելով, որ նման հրահանգ չկա։
Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։
Հայկակական կողմն այս պահի դրությամբ ունի 200 վիրավոր. Արծրուն Հովհաննիսյան
Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմն ունի 200 վիրավոր։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։
Ադրբեջանը պետք է իմանա, որ իր դիմաց կանգնած է բանակի վերածված ողջ հայությունը. Արամ Ա