ԵՐԵՎԱՆ, 25 սեպտեմբերի – Sputnik. «Ռոսիա սեգոդնյա» միջազգային տեղեկատվական գործակալության գլխավոր խմբագիր Մարգարիտա Սիմոնյանը COVID-19–ի հակամարմինների թեստ է հանձնել, և արդյունքը դրական է եղել: Սիմոնյանը Telegram–ում գրել է, որ հակամարմինների քանակը բարձր է, իր մոտ իմունիտետ է ձևավորվել։
«Ազատությունը գալիս է մերկ` սրտին ծաղիկներ նետելով։ Իրականում լիովին արբեցնող զգացողություն է։ Մտնում ես գրասենյակ, ռեստորան, հիվանդանոց, և այլևս չես վախենում: Խոնարհվում եմ ակադեմիկոս Գինցբուրգի և բոլոր մասնակիցների առջև»,– գրել է նա։
Սիմոնյանը նաև տեղեկացրել է, որ երկու շաբաթ առաջ, երբ պատվաստվել է, հակամարմիններ չի ունեցել։
«Շնորհակալություն, հարազատս, ես քեզ հետ կապված կասկածներ չունեի», - եզրափակել է նա։
Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը
Ավելի վաղ Սիմոնյանը հայտնել էր, որ պատվաստումից հետո իր ջերմությունը բարձրացել է, ընդհանուր տկարություն է զգացել։ Ընդ որում` բժիշկները զգուշացրել են, որ այդպես կարող է լինել ։ Բայց երկրորդն օրն արդեն ջերմություն չի ունեցել։ «Ռոսիա սեգոդնյայի» գլխավոր խմբագիրը հավելել էր, որ ամուսինը՝ Տիգրան Քեոսայանը, նույնպես պատվաստվել է, բայց նրա դեպքում ոչ մի կողմնակի ազդեցություն չի դրսևորվել։
Հնդկաստանը ՌԴ-ից կգնի հարյուր միլիոն չափաբաժին պատվաստանյութ COVID-19–ի դեմ
Ավելի վաղ մի խումբ կամավորներ, այդ թվում՝ Սիմոնյանը, ինչպես նաև «Խոսում է Մոսկվան» ռադիոկայանի գլխավոր խմբագիր Ռոման Բաբայանը, փորձարկել էին կորոնավիրուսի դեմ ռուսական պատվաստանյութը։ Աշխարհում առաջինը գրանցված պատվաստանյութը ստացել են նաև Ռուսաստանի պաշտպանության նախարար Սերգեյ Շոյգուն, Մոսկվայի քաղաքապետ Սերգեյ Սոբյանինը, ՌԴ նախագահ Վլադիմիր Պուտինի դուստրը:
Նշենք, որ օգոստոսին Ռուսաստանն առաջինն աշխարհում գրանցեց COVID-19–ի դեմ պատվաստանյութ, որը ստեղծել են Գամալեայի կենտրոնն ու Ուղիղ ներդրումների ռուսական հիմնադրամը։ «Սպուտնիկ V» անվանումը ստացած պատվաստանյութի առաջին խմբաքանակն արդեն իսկ շրջանառության մեջ է դրվել և Ռուսաստանի մարզեր է մատակարարվում։
Զանգվածային պատվաստումը կմեկնարկի դեղամիջոցի արտադրության ծավալների աճին և հետգրանցային ուսումնասիրություններից հետո ստացված տվյալների հավաքագրմանը զուգընթաց։
Ռուսաստանում զուգահեռաբար փորձարկվում է ևս 4 պատվաստանյութ, որոնք ստեղծել են «Վեկտոր» կենտրոնը, Չումակովի անվան ինստիտուտը, չինական Sinopharm և անգլո–շվեդական AstraZeneca ընկերությունները։
Ոչնչացնել ռուսական պատվաստանյութը. մեծ քաղաքականության մանր հնարքները