ԵՐԵՎԱՆ, 24 սեպտեմբերի — Sputnik. Եվրոպական հանձնաժողովը կաջակցի Հայաստանի դատական համակարգի բարեփոխումներին։
Հայաստանի կառավարության հետ ստորագրվող ֆինանսավորման համաձայնագրով` Եվրահանձնաժողովը մեր երկրին 30 մլն եվրոյի դրամաշնորհ է խոստանում։ ՀՀ կառավարության նիստում համաձայնագրի նախագծի ներկայացման ժամանակ տեղեկությունը հայտնեց ՀՀ փոխվարչապետ Մհեր Գրիգորյանը։
«27 մլն եվրոն տրամադրվելու է ուղղակի բյուջետային աջակցության տեսքով, իսկ մնացած 3 մլն–ը` տեխնիկական աջակցության»,– ասաց Մհեր Գրիգորյանը։
Ծրագրի իրականացման համար նախատեսվում է 2 տարի ժամկետ` դատաիրավական բարեփախումների ու հակակոռուպցիոն ծրագրերին համաքայլ։
Արդարադատության նախարար Ռուստամ Բադասյանը հստակեցրեց, որ ծրագրի իրականացման արդյունքում 2023թ.–ին դատական համակարգը պետք է կոռուպցիայից զերծ լինի։
Իշխանությունների ձեռքի մտրակը․ «թեթև» վեթինգը կապահովի դատավորների հավատարմությունը
«Ամեն տարվա համար նախատեսված է 9 մլն եվրոյի հատկացում, իսկ 30 մլն եվրոյից 3 մլն եվրոն տրամադրվելու է խորհրդատվական ծառայությունների համար։ Առաջին 9 մլն եվրոն ակնկալվում է ստանալ արդեն այս տարի` դատավորների բարեվարքության ու գույքային դրության ստուգման համար»,– ասաց Բադասյանը։
Նա նաև հավելեց, որ կառուպցիայի կանխարգելման հանձնաժողովն արդեն ստուգում է ՍԴ–ի ու ԲԴԽ–ի անդամների բարեվարքությունն ու գույքային դրությունը։
Հարցի քնարկման արդյունքում ՀՀ վարչապետ Նիկոլ Փաշինյանն էլ շեշտեց, որ ժողովրդավարական բարեփոխումների ճանապարհին ԵՄ–ն Հայաստանի հիմնական գործընկերն է։
Նախագահը ստորագրել է դատավորների «վեթինգի» վիճահարույց օրենքը