ԵՐԵՎԱՆ, 23 սեպտեմբերի — Sputnik. ՀՅԴ Բյուրոյի նախագահ Արմեն Ռուստամյանը և Հայաստանի ԳՄ ներկայացուցիչ Իշխան Սաղաթելյանը հանդիպում են ունեցել Հայաստանում ՌԴ արտակարգ և լիազոր դեսպան Սերգեյ Կոպիրկինի հետ:
Ինչպես տեղեկացնում են ՀՅԴ հանրային կապերի գրասենյակից, հանդիպումը կայացել է երեկ`սեպտեմբերի 22-ին, ՌԴ դեսպանատանը։
Հանդիպման ընթացքում մտքեր են փոխանակվել հայ-ռուսական հարաբերությունների, Հայաստանի ներքաղաքական զարգացումների, Հայաստանի և Արցախի շուրջ ծավալվող գործընթացների, Մինսկի խմբի համանախագահների միջնորդական առաքելության վերաբերյալ։
Քննարկվել է նաև Մերձավորարևելյան տարածաշրջանում տեղի ունեցող իրադարձություններն և փոխադարձ հետաքրքրություն ներկայացնող բազմաթիվ այլ հարցերը։
Նշենք, որ ավելի վաղ Հայաստանում ՌԴ արտակարգ և լիազոր դեսպան Սերգեյ Կոպիրկինը հանդիպել էր ՀՀ առաջին նախագահ Լևոն Տեր–Պետրոսյանի, ՀՀ 2-րդ նախագահ Ռոբերտ Քոչարյանի, ԼՀԿ-ի, ԲՀԿ–ի և «Իմ քայլի» ներկայացուցիչների հետ։
«Ուրախ եմ, որ բոլոր հարցերը փակված են»․ Կոպիրկինը` ՀԿԵ–ի շուրջ ստեղծված իրավիճակի մասին