Փոքրիկին ծնողը դիմակով ուղեկցում է մանկապարտեզի մոտ։ Ծնողի մուտքն արգելված է, հետևաբար դարպասի մոտից սկսվում է փոքրիկի ամենօրյա «քվեստ-փորձությունը»։
Առաջին գործողությունը երեխայի կոշիկների ներբանների ախտահանումն է, այնուհետև նա հանում է դիմակն ու նետում աղբարկղը։Առանց դեմքին դիպչելու երեխան առաջ է գնում․ հաջորդ կետը ձեռքերի անհպում ախտահանումն է, ապա փոքրիկն ախտահանվում է ոտքից գլուխ` հատուկ սարքի միջոցով։ Վերջապես երրորդ՝ եզրափակիչ փուլում չինացի ռոբոտն ախտահանում է փոքրիկի դեմքը, բերանի խոռոչն ու կրկին ձեռքերը։
Հետաքրքիր է, որ յուրաքանչյուր գործողությունից առաջ փոքրիկն ու ախտահանող մասնագետներ չեն մոռանում ողջունել միմյանց չինական ձևով՝ խոնարհումով։
Հիշեցնենք, որ Չինաստանն աշխարհի առաջին երկիրն է, որտեղ դեռ նախորդ տարի դեկտեմբերին արձանագրվեց նոր տիպի կորոնավիրուսի բռնկումը։ Գարնանը աստիճանաբար Չինաստանի նահանգները հաղթահարեցին կորոնավիրուսը, հունիսից գրեթե լիարժեք գործում են երկրի դպրոցներն ու մանկապարտեզները։