ԵՐԵՎԱՆ, 5 սեպտեմբերի – Sputnik. Երևանում դարձյալ կանգառ են ջարդել, այս անգամ` Քանաքեռ-Զեյթուն վարչական շրջանում։ Տեղեկությունը հրապարակվել է «Երևանի աղբահանություն և սանիտարական մաքրում» համայնքային հիմնարկի Facebook-յան էջում։
Սոցկայքում նաև տեսանյութ է հրապարակվել, որտեղ ներկայացվում է, թե ինչպես են հիմնարկի աշխատակիցները մաքրում կանգառի տաղավարի տարածքում թափված ապակու փշուրները։
Հրապարակումը զայրացրել է օգտատերերին։ Նրանք վիրավորական արտահայտություններ են գրել վանդալիզմի հեղինակների հասցեին։ Օգտատերերից մեկն էլ նշել է. «Հիմա ո՞ւմ նյարդերն են տեղի տվել»։
Բանն այն է, որ օրեր առաջ` օգոստոսի 31-ին, հայտնի դարձավ, որ կանգառներ են վնասվել Մալաթիա-Սեբաստիա վարչական շրջանում։
Սեպտեմբերի 1-ին ոստիկանությունը հայտնեց, որ հայտնաբերել ու բերման են ենթարկել Երևանի 36-ամյա բնակչի, և նա խոստովանել է, որ ամիսներ առաջ է վերադարձել հայրենիք, ընտանեկան խնդիրներից նյարդայնացած՝ վրդովմունքը պարպել է կանգառների տաղավարների վրա։
Տղամարդ բռունցքով ու ոտքով խփել էր կանգառների տաղավարների ապակիներին ու կոտրել՝ վնասելով ընդհանուր 6 կանգառ։
Զինվորների շիրմաքարերի հետքերը մոմավառության հետևա՞նք են. ոստիկանությունը քննում է