ԵՐԵՎԱՆ, 5 սեպտեմբերի – Sputnik.Հայաստանում տեղակայված Հարավային ռազմական օկրուգի ռուսական ռազմակայանի զինծառայողները ՀՀ զինված ուժերի զինծառայողների հետ համատեղ երկկողմ գումարտակային մարտավարական զորավարժությունների շրջանակներում հանդիսավոր երթով ուղևորվել են «Կամխուդ» և «Ալագյազ» մարտավարական դաշտեր: Տեղեկությունը հայտնում է ռազմական օկրուգի մամուլի ծառայությունը։
Մոտոհրաձգային, տանկային, ինժեներական, հետախուզական ստորաբաժանումները մշակել են պաշտպանական, հարձակողական, հետախուզական գործողություններ՝ հրետանային, հակաօդային պաշտպանության և ավիացիայի աջակցությամբ:
ՀԱՊԿ-ը Հայաստանում զորավարժություններ կանցկացնի. ինչ է նախատեսված
Զորավարժության ընթացքում զինծառայողները ցերեկային և գիշերային ժամերին մեքենաներով և զրահամեքենաներով իրականացրել են վարման վարժություններ, ինչպես նաև հրաձգային զենքերից, ականանետներից, հետևակի մարտական մեքենաների սպառազինությունից, տանկերից, հրետանուց և զենիթային հրթիռներից կրակային պատրաստության պարապմունքներ:
ՌԴ Հարավային ռազմական օկրուգի շուրջ հազար զինծառայողներ մասնակցում են երկկողմ գումարտակային մարտավարական վարժանքին, որում ներգրավված է շուրջ 300 միավոր ռազմական հատուկ տեխնիկա՝ ներառյալ կործանիչներ, ռազմական ինքնաթիռներ, ինչպես նաև անօդաչու թռչող սարքեր:
Պաշտպանության նախարարների ամենալայնամասշտաբ հանդիպումը Մոսկվայում. Տոնոյանը ևս այնտեղ է