ԵՐԵՎԱՆ, 2 սեպտեմբերի – Sputnik. Ադրբեջանին հաջողվել է մի քանի դիրք վերցնել, բայց չի հաջողվել լուծել իր առջև դրված խնդիրը: Այսօր լրագրողների հետ հանդիպմանը, մեկնաբանելով 2016թ-ի Արցախյան պատերազմում հայկական կողմի հաղթել-պարտվելու շուրջ քաղաքական բանավեճը, ասաց Արցախի նախագահ Արայիկ Հարությունյանը:
«Այն, որ դիրքեր գրավել են, գրավել են: Այն, որ դիրքերը եղել են ստրատեգիական, եղել են, չկա ոչ ստրատեգիական դիրք հասկացություն: Բայց արդյոք դա կարելի՞ է համարել հաղթանակ կամ պարտություն Ադրբեջանի կողմից կամ հաղթանակ մեր կողմից: Ամեն մարդ կարող է իր կողմից յուրովի մեկնաբանել»,- ասաց Հարությունյանը:
Արցախի նախագահը շեշտեց, որ հայկական կողմն ունեցել է կորուստներ և կորցրել դիրքեր, Ադրբեջանը՝ ունեցել կորուստներ ու գրավել որոշ դիրքեր:
Որտե՞ղ էր Խաչատուրովը ապրիլյան քառօրյայի առաջին րոպեներին. պատասխանում է Դավթյանը
Հարությունյանը, սակայն հիշեցրեց նաև, որ Ադրբեջանը տարիներ շարունակ տասնյակ միլիարդների զենք է ձեռք բերել և ամպագոռգոռ հայտարարություններ արել ժամերի, օրերի ընթացքում Արցախն ու Հայաստանը գրավելու մասին, որոնց արդյունքը ակներև է եղել 2016թ-ի ապրիլին ու 2020-ի հուլիսին Տավուշում:
Եթե քառօրյա պատերազմը երկար տևեր, Հայաստանը կճանաչեր ԼՂՀ անկախությունը. Սերժ Սարգսյան