ԵՐԵՎԱՆ, 31 օգոստոսի – Sputnik. Գյումրիում 102-րդ ռուսական ռազմաբազայի տեղակայումն օգնում է ապահովել տարածաշրջանի անվտանգությունը, և Երևանում շահագրգռված են դրա պահպանմամբ: ՀՀ արտգործնախարար Զոհրաբ Մնացականյանը նման հայտարարություն է արել «Ինտերֆաքս» գործակալությանը տված հարցազրույցում։
Նախարարն ընդգծել է, որ Հայաստանը տարածաշրջանի որևէ պետության համար վտանգ չի ներկայացնում։
«Հայաստանն ու Ռուսաստանը անվտանգության ոլորտում ընդհանուր շահեր ունեն, և հենց այդ ընդհանուր շահերի հիման վրա անվտանգության ապահովման ընդհանուր նպատակն ենք հետապնդում։ Ռազմաբազան նույնպես օգնում է հասնել այդ նպատակին»,-ասել է Մնացականյանը։
Հայաստանի հյուսիսում՝ Գյումրի քաղաքում տեղակայված է 102-րդ ռազմակայանը մարտական հերթապահություն է իրականացնում ԱՊՀ մասնակից պետությունների ՀՕՊ Միավորված համակարգի շրջանակներում:
Ավիաշոու Արարատի ֆոնին․ ռուսական ռազմաբազայի «ԱՍ»-երը`Հայաստանի երկնքում
2010-ի օգոստոսի 20-ին բազայի տեղակայման մասին պայմանագրի գործողության ժամկետը երկարաձգվել է մինչև 2044 թվականը:
Բազան հագեցած է ԶՀՀ-300В, Բուկ Մ1-2, Միգ-29 կործանիչներով, Մի-8МТ կարգի ռազմատրանսպորտային ուղղաթիռներով և հարվածային Մի-24Պ-ով:
Սա լուրջ մեսիջ է նրանց համար, ովքեր խոսում են ռուսական բազան ՀՀ–ից հանելու մասին. Քոչարյան