ԵՐԵՎԱՆ, 30 օգոստոսի – Sputnik. 2011 ES4 աստերոիդը Երկրից նվազագույն հեռավորության վրա կլինի սեպտեմբերի 1-ին։ NASA-ի հաղորդմամբ՝աստերոիդի չափը 22-ից մինչեւ 50 մետր է:
Գիտնականների հաշվարկով՝ այն կանցնի Երկրագնդի կողքով 120 հազար կիլոմետր հեռավորության վրա: Աստերոիդը շարժվում է վայրկյանում 8,16 կիլոմետր արագությամբ:
Երկնային մարմինը մեր մոլորակին կմոտենա սեպտեմբերի 1-ին՝ Երեւանի ժամանակով 20:12-ին:
NASA. Երկիրը կարող է «մորուք» ունենալ
NASA-ում նշել են, որ մոլորակին «մոտ հեռավորություն» ասելով՝ նկատի են առնվում աստղագիտական մասշտաբները, սակայն Երկրի հետ աստերոիդի բախման իրական վտանգ չկա:
Գիտնականները ենթադրում են, որ այն կանցնի մեր մոլորակի կողքով։
Նշենք, որ 2011 ES4 աստերոիդը, որը պատկանում է Ապոլոնի խմբին, հայտնաբերվել է 2011 թվականի մարտի 2-ին։
NASA-ն մեկ տեսանյութով ցույց է տվել Արևի կյանքի տասը տարիները