Երևան, 26 օգոստոսի – Sputnik. Ռուսաստանը Հայաստանի առաջատար ռազմատեխնիկական գործընկերն է, իսկ որոշ ուղղություններով՝ միակը։ «Զվեզդա» հեռուստաալիքին տված հարցազրույցում նման հայտարարություն է արել ՀՀ պաշտպանության նախարար Դավիթ Տոնոյանը։
ՀՀ պաշտպանության նախարարը Մոսկվայում մասնակցում է «Բանակ-2020» ռազմական համաժողովին:
Նախարարի խոսքով ՝ հայկական կողմը մեծ կարևորություն է տալիս մասնակցությանը ռազմատեխնիկական համաժողովին։ Ամեն տարի նոր պայմանագրեր են կնքվում։
«Մենք շատ լավ դինամիկա ունենք, որը երկար տարիներ չի եղել։ Հայաստանը գնում է ժամանակակից և արդիականացված զենք, որը կա Ռուսաստանի Դաշնության սպառազինության մեջ։ Մենք փորձում ենք հետ չմնալ, որովհետև մենք գրեթե նույն հակառակորդներն ունենք», - նշել է Տոնոյանը։
Նա նաև ասել է, որ հայկական և ռուսական մասնավոր ընկերությունները ռազմական պայմանագրեր են կնքել Հայաստանի տարածքում արտադրանքի թողարկման վերաբերյալ:
Նախարարը հիշեցրել է, որ նախատեսվում է նաև արդիականացնել Սու-25-ի հայկական գրոհայինները, ինչի մասին համաձայնագիրը վերջերս է ստորագրվել: Տոնոյանի խոսքով ՝ արդիականացումը թույլ կտա այդ ինքնաթիռներն օգտագործել ժամանակակից մարտում։
Հիշեցնենք, որ Հայաստանը ռուսական սպառազինություն է գնում ներքին գներով։ Բացի այդ, շատ տեսակներ երկիրն իր ռազմավարական դաշնակցից ստանում է անհատույց հիմունքներով։
Ռուսաստանը չի ցանկանում, որ Անդրկովկասում լարվածության աճ լինի. Շոյգու