ԵՐԵՎԱՆ, 26 օգոստոսի – Sputnik. Միխայիլ Գալուստյանի բեմական կերպարը՝ «Սուպեր Ժորիկը», որը հայտնի է իր հումորային հիթերով, անակնկալ է պատրաստում երկրպագուների համար։ Պրոդյուսեր Սոֆիա Գուլյանն այդ մասին պատմել է Instagram-ի իր էջում։
«Նոր, թույն երգ սպասեք Սուպեր Ժորիկից»,-տեսանյութին կից գրել է նա։
Տեսանյութում Սոֆիան պատմում է, որ «Սուպեր Ժորիկը» պատրաստվում է նոր հիթի ձայնագրությանը և շուտով կներկայացվի նրա երրորդ երգը։ Այդ պահին նրան է մոտենում Գալուստյանը, նրա հետևորդներին «բարևչիկներ» փոխանցում, ապա սկսում է խոսել Արցախի բարբառով․ «Բարև, մատաղ ինիմ, հո՞ւնց ես»,-ասում է նա։
Սոֆիայի հետևորդներից շատերն արձագանքել են գրառմանը և գովել Գալուստյանին՝ հայոց լեզվի, հատկապես՝ Արցախի բարբառի իմացության համար։ Շատերը զվարճալի մեկնաբանություններ են գրել։
«Սուպեր բարևչիկներ», «շատ լավն եք, պաշտում եմ Ձեզ», «իհարկե սպասում ենք», «պաչպչում եմ քեզ», «վայ մամա, այս ո՞վ է այստեղ»։
Միխայիլ Գալուստյանը կորցրել է գլուխը. զվարճալի տեսանյութ
2019թ․-ի նոյեմբերին Գալուստյանը ներկայացրել էր «Սուպեր Ժորիկը» առաջին տեսահոլովակը, որը շատ սիրվեց։ «Хочу тибя любицца» երգի տեսահոլովակը կես տարում ավելի քան 60 միլիոն դիտում է հավաքել։ Այնուհետև նա ներկայացրեց «Золото» հիթը, որը նույնպես մեծ հաջողություն ունեցավ։
«Ուզում ես սովորել կունգ–ֆո՞ւ, ուրեմն ես եմ քո մարզիչը». անսահման ծիծաղ Միշա Գալուստյանից
Հիշեցնենք, որ Գալուստյանը հայտնի է դարձել ՈՒՀԱ-ում խաղալու ընթացքում, որտեղ ներկայացնում էր «Утомленные солнцем(«Արևից քշվածերը») թիմը։ Միխայիլը նկարահանվել է բազմաթիվ ֆիլմերում՝ «Թեթևաբարո տատիկը», «Ուժեղ բնավորությամբ նվերը» և այլն։ Գալուստյանի ունեցվածքը, ըստ Forbes ամսագրի՝ կազմում է տարեկան 2,2 միլիոն դոլար։