ԵՐԵՎԱՆ, 22 օգոստոսի-Sputnik. Ճանաչված երգչուհի Սիրուշոն այս տարի ընտանիքին հետ իր ամառային հանգիստ անցկացնում է Արցախում։Նա Instagram-ի իր էջում և սթորի բաժնում մի շարք լուսանկարներ է հրապարակել հանգստից։
Երկրպագուները շատ են հավանել երգչուհու լուսանկարները։ Նրանք բազմաթիվ հաճոյախոսություններ են գրել ինչպես երգչուհու, այնպես էլ Արցախի հասցեին։
«Հրաշք բնություն ու հրաշք Սիրուշո», «Ցնցող տեսք ունես»,«Շատ եմ քեզ սիրում»,–գրել են հետևորդները։
Համատեղ արցախյան հանգստից լուսանկար է հրապարակել նաև երգչուհու ամուսինը` Լևոն Քոչարյանը։
Ավելի վաղ Սիրուշոն նոր լուսանկարներ է հրապարակել Instagram-ի իր էջում և արտերկրում ապրող իր հետևորդներին հարցրել, թե ինչպես են նրանք անցկացնում ամառը:
«Դուք առհասարակ հաճույք ստանո՞ւմ եք ամռանից: Չեմ ուզում` ամառ չունենանք»,-գրել է երգչուհին:
Սիրուշոյի հետևորդները բազմաթիվ մեկնաբանություններ են գրել՝ պատմելով իրենց կարանտինային առօրյայի մասին: