ԵՐԵՎԱՆ, 21 օգոստոսի - Sputnik. Թուրքիայի կառավարությունը մտադիր է Ստամբուլի Խորայի վանքը մզկիթի վերածել։ Այնտեղ է գտնվում հայտնի ուղղափառ Սուրբ Փրկիչ եկեղեցին։ Տեղեկությունը հայտնում է ERT հունական հանրային հեռուստատեսությունը։
Նշվում է, որ վանքը Կոմնենոս կայսեր դարաշրջանի ամենախորհրդանշական բյուզանդական հուշարձաններից է, որը հայտնի է իր որմնանկարներով։ Այն մզկիթի է վերածվելու նույն ընթացակարգով, որը կիրառվեց Ստամբուլի Սուրբ Սոֆիայի դեպքում։
Հունական հեռուստաընկերությունը հայտնել է, որ քրիստոնեական սրբավայրի գործը փոխանցվում է կրոնի հարցերով վարչությանը։ Ակնկալվում է, որ բյուզանդական որմնանկարները փակվելու են։
Խորայի վանքը կառուցվել է 534 թվականին, այն գտնվում է Ստամբուլի Ֆաթիհ թաղամասում։ 1511 թվականին՝ Կոստանդնուպոլիսի գրավումից հետո շենքը վերածվել է Կահիրե մզկիթի։ 1945 թվականին այն թանգարանի կարգավիճակ է ստացել։ Մինչ այդ` 434 տարի, վանքը որպես մզկիթ է օգտագործվել։
Էրդողանը մասնակցել է Սուրբ Սոֆիայի մոտ անցկացվող նամազին. տեսանյութ
Հիշեցնենք, որ 2020 թվականի հուլիսին ամբողջ աշխարհում հայտնի ուղղափառ Սուրբ Սոֆիայի վանքը Ստամբուլում նույնպես մզկիթի է վերածվել։