ԵՐԵՎԱՆ, 21 օգոստոսի — Sputnik. Այսօր առավոտյան ողբերգական դեպք է տեղի ունեցել Արմավիրի մարզի Հացիկ գյուղում։ Հայրը վրաերթի է ենթարկել իր 38-ամյա որդուն։ Լուրը Sputnik Արմենիային հայտնեցին ոստիկանության լրատվական ծառայությունից։
«Այսօր առավոտյան, ժամը 9-ի սահմաններում ահազանգ է ստացել, որ Արմավիրի մարզի Հացիկ Գյուղում հայրն իրենց բակում «ՎԱԶ 21-06» մակնիշի ավտոմեքենայով վրաերթի է ենթարկել իր` 1982-ին ծնված որդուն»,–ասացին ոստիկանությունից։ Վրաերթի ենթարկված տղան տեղում մահացել է։
Հացիկ համայնքի ղեկավար Արթուր Եղիազարյանը Sputnik Արմենիայի հետ զրույցում հայտնեց, որ դեպքն անզգուշության հետևանք է։
«Առավոտյան հայրը դաշտից տուն է գնացել ու ցանկացել է մեքենան բանկում կայանել։ Իրենց բակն էլ մի փոքր թեք է։ Տղան պատի տակ նստած սուրճ խմելուց է եղել, երբ հայրը մեքենայով բակ է մտել։ Մեքենայի արգելակները չեն աշխատել, հայրն էլ չի կարողացել կառավարել այն»,–ասաց Եղիազարյանը։ Նա հայտնեց, որ հայրն այժմ հոգեբանորեն շատ ծանր վիճակում է։
Փլուզում Մրգաշատ գյուղում. փլատակների տակ մնացած 32-ամյա տղամարդը մահացել է
Քննչական կոմիտեի Արմավիրի մարզային վարչությունում դեպքի առթիվ նյութեր են նախապատրաստվում։