ԵՐԵՎԱՆ, 19 օգոստոսի — Sputnik. Երևանում 2-րդ հարկի պատուհանից ընկած 5-ամյա երեխայի վիճակը բժիշկները գնահատում են ծանր։ Տեղեկությունը Facebook–ի իր էջում հաղորդել է Երևանի «Սուրբ Աստվածամայր» ԲԿ մամուլի խոսնակ Գևորգ Դերձյանը։
Հայտնել էինք, որ Երևանում դժբախտ դեպք է պատահել` 5-ամյա մի երեխա է ընկել 2-րդ հարկից։
«Երեխան ունի գանգաթաղի կոտրվածք, գլխուղեղի սալջարդ, թոքերի սալջարդ: Գտնվում է վերակենդանացման բաժանմունքում»,–գրել է նա։
Դերձյանը հայտնում է նաև, որ երեխան շտապօգնության մեքենայով «Սուրբ Աստվածամայր» բժշկական կենտրոն է տեղափոխվել Երևանի Շրջանային փողոցի տներից մեկի բակից։
Ինչու է պապը պարբերաբար ծեծել 6–ամյա և 4–ամյա թոռներին. ՔԿ–ն մանրամասներ է ներկայացրել