ԵՐԵՎԱՆ, 18 օգոստոսի - Sputnik․ ՀՀ պարետ, փոխվարչապետ Տիգրան Ավինյանը Facebook-ի իր էջում հրապարակել է արտակարգ դրության սահմանափակումների և կանոնների նոր փոփոխությունները։
Կվերաբացվեն գրադարանները և թանգարանները։ Ներկայացումները, համերգները, կինոցուցադրումները, կենդանի երաժշտությունը կթույլատրվեն բացօթյա տարածքներում։ Սեպտեմբերի 1-ից համալսարան կհաճախեն բակալավրիատում սովորող առաջին կուրսեցիները։ Սեպտեմբերի 15-ից կբացվեն մանկապարտեզները և դպրոցները։ Իսկ արտադպրոցական սպորտային, արվեստի և մշակութային խմբակները դեռևս փակ կմնան։
Այսուհետ դիմակ կարող են չդնել հեռուստահաղորդավարները, եթե հեռուստահաղորդումների և հեռուստածրագրերի հեռարձակման ժամանակ հեռուստատեսային տաղավարում գտնվում են մենակ, և հեռուստահաղորդումների հեռարձակման ժամանակ սուրդոթարգամանություն իրականացնող մասնագետները։
Մեկ սեղանի շուրջն էլ կթույլատրվի մինչև 8 անձի նստեցում՝ նախկին 5 անձի փոխարեն։
Հիշեցնենք` Հայաստանումկորանավիրուսի պատճառով արտակարգ դրություն է սահմանվել մարտի 16-ից, այն մի քանի անգամ երկարացվել է և կտևի մինչև սեպտեմբերի 11-ը։