ԵՐԵՎԱՆ, 18 օգոստոսի - Sputnik․ COVID-19-ի թեստավորման առավել հարմար պայմաններ կստեղծվեն զբոսաշրջիկների համար։ «Տուրիզմ Արմենիա» ասոցիացիան և «Պրոմ-Տեստ» լաբորատորիաների ցանցը համագործակցության հուշագիր են ստորագրել, համաձայն որի զբոսաշրջիկները կկարողանան COVID-19-ի թեստ հանձնել ինքնամեկուսացման վայրում, թեստի պատասխանը զբոսաշրջիկները ավտոմատ կերպով կստանան իրենց էլեկտրոնային փոստին։ Թեստը կարժենա 10 հազար դրամ՝ 20 հազարի փոխարեն։ Բոլոր զբոսաշրջիկները հենց տեղում՝ օդանավակայանում, կտեղեկացվեն այս հնարավորության մասին։
Արտակարգ դրության պայմանների մեղմացման այս փուլում պարետի որոշմամբ Հայաստան ժամանողները պետք է 14-օրյա ինքնամեկուսացում անցնեն, որի ժամկետը կարող է կրճատվել թեստավորման և դրա բացասական պատասխանի արդյունքում։ Ըստ այդմ՝ նման հնարավորությունը կնպաստի զբոսաշրջիկների համար ավելի հարմար հանգստի կազմակերպմանը։
«Տուրիզմ Արմենիա» ասոցիացիան միավորում է ներգնա զբոսաշրջային առաջատար ընկերությունները, որոնք ապահովում են դեպի Հայաստան կազմակերպված զբոսաշրջային հոսքերի մեծ մասը։
Բուհերը նույնպես վերաբացվում են. ովքե՞ր դասի կգնան սեպտեմբերի 1-ին