ԵՐԵՎԱՆ, 17 օգոստոսի — Sputnik. ՀՀ քննչական կոմիտեն տեղեկացնում է, որ բերման են ենթարկվել 4 հոգի, որոնք փորձել են գողանալ վճարահաշվարկային տերմինալը։
«2020թ. օգոստոսի 15-ին՝ ժամը 06:45-ին, Երևանի Ջանիբեկյան փողոցից Nissan Tida մակնիշի ավտոմեքենայով հանդերձ ոստիկանության Մաշտոցի բաժին բերման է ենթարկվել 4 անձ։ Նրանք վերոնշյալ հասցեից փորձել են գողանալ վճարահաշվարկային տերմինալը: Դեպքի առթիվ նույն օրը ՀՀ ոստիկանությունում հարուցվել է քրեական գործ»,–նշված է ՔԿ–ի հաղորդագրության մեջ։
Բերման ենթարկվածների դեմ քրգործ է հարուցվել ՀՀ քրեական օրենսգրքի 34-177-րդ հոդվածի (գողության փորձ) 2-րդ մասի 1-ին, 2-րդ և 3-րդ կետերի հատկանիշներով։ Քրգործն ընդունվել է վարույթ, կազմվել է քննչական խումբ:
Քրեական գործով կատարված քննչական և դատավարական այլ գործողությունների արդյունքում վերոնշյալ տղամարդկանցից 3-ը ձերբակալվել են՝ գողության փորձ կատարելու կասկածանքով:
Նարգիզը դատի կտա Վլադիմիր Ժիրինովսկուն
Միջոցներ են ձեռնարկվում խմբի կողմից կատարված գողության կամ գողության փորձի հնարավոր այլ դեպքերը բացահայտելու ուղղությամբ:
Նախաքննությունը շարունակվում է: