Հայաստանում ագռավը որոշել է օրինակ ծառայել երթևեկության կանոնները խախտողների համար։ Facebook սոցցանցի իր էջում օգտատեր Գաբրիել Միրաքյանը զվարճալի տեսանյութ է հրապարակել, որտեղ երևում է, թե ինչպես է ագռավն օրոր–շորոր անցնում փողոցը` հետիոտների համար նախանշված գծանշաններով։
«Հայաստանի Հանրապետության հպարտ քաղաքացին»․ այսպես է վերնագրել տեսանյութը Միրաքյանը։ Զվարճալի տեսանյութը շատերին է դուր եկել։ Նրանք գրել են, թե օրինապաշտ ագռավ է, իսկ Միրաքյանը կատակով արձագանքել է․ «միայն դիմակն է պակասում թռչնին»։