ԵՐԵՎԱՆ, 13 օգոստոսի - Sputnik. Ամերիկահայ հեռուստաաստղ Քիմ Քարդաշյանը Twitter-ի իր էջում գեղեցիկ լուսանկար է հրապարակել դստեր՝ Չիկագոյի հետ և նշել, որ աղջնակը սիրում է գեղեցիկ հագնվել։
«Իմ փոքրիկ Չի Չի-ին սիրում է ամեն օր արքայադստեր պես հագնվել»,- նշել է նա։
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Հեռուստաաստղի հետևորդներին շատ է դուր եկել լուսանկարը, նրանք հազարավոր հաճոյախոսություններ են շռայլել փոքրիկի և նրա մայրիկի հասցեին։
«Իսկական արքայադուստր է», «ինչ անուշիկն է», «մայրիկի նման գեղեցկուհի է լինելու»,-գրել են նրանք։
Նշենք, որ վերջին շրջանում, Քարդաշյանի և ամուսնու ՝Քանյե Ուեսթի ընտանիքում հարաբերությունները լարված են։
Ամերիկյան հայտնի ռեփեր Քանյե Ուեսթը հրապարակայնորեն ներողություն է խնդրել Քիմից։ Twitter-ի իր էջում կարտած գրառմամբ Քանյեն ներողություն է խնդրել անձնական հարցը հրապարակային դարձնելու համար։
«Ես նրան այնպես չեմ պաշտպանել, ինչպես նա ինձ։ Քիմ, գիտեմ, որ ցավ եմ պատճառել քեզ։ Խնդրում եմ, ներիր ինձ։ Շնորհակալ եմ միշտ կողքիս լինելու համար»,- գրել է ռեփերը։
Ավելի վաղ Քանյեն Twitter-ի իր էջում մի շարք գրառումներ էր կատարել՝ մեղադրելով Քիմին և զոքանչին իրեն հոգեբուժարան ուղարկելու փորձերի համար։ Քանյեն նաև տեղեկացրել էր, որ ցանկանում է ամուսնալուծվել։ Ավելի ուշ գրառումները հեռացվել էին նրա էջից, բայց օգտատերերը հասցրել էին պատճենել դրանք։
Հայտնի դիմահարդար Հրուշ Աճեմյանը նմանվել է Քայլի Ջեներին․ օգտատերերը հիացած են
Դրանից հետո Քիմն էլ Twitter-ում և Instagram-ում գրառում էր կատարել՝ մեկնաբանելով ամուսնու տարօրինակ հայտարարությունները։ Նա նշել էր, որ իրավիճակի «մեղավորը» Քանյեի անձի երկբևեռ (բիպոլյար) խանգարումն է։ Քիմի խոսքով՝ Քանյեի մոտ հիմա ճգնաժամային շրջան է, նրա մտադրություններն ու գործողությունները հաճախ չեն համընկնում։ Քիմը նաև խորհուրդ էր տվել ամուսնուն դիմել մասնագետների օգնությանը։
Քանյե Ուեսթն ու Քիմ Քարդաշյանը կբաժանվե՞ն. Ուեսթը մանրամասներ է հայտնել
Քիմն ու Քանյեն ամուսնացել են 2014 թվականին և 4 ունեն երեխա՝ Նորթը, Սեյնթը, Չիկագոն և Փսալմը։ Երեխաներից երկուսին զույգի համար լույս աշխարհ է բերել փոխնակ մայրը։