ԵՐԵՎԱՆ, 12 օգոստոսի - Sputnik. ՕՄՕՆ-ի և Բելառուսի ներքին զորքերի ստորաբաժանումները, որոնք ավելի վաղ Մինսկ էին մտցվել ընտրություններին հաջորդած անկարգությունների և բողոքի ակցիաների պատճառով, լքել են մայրաքաղաքը։ Տեղեկությունը հայտնում են տեղական ԶԼՄ-ները:
Նշվում է, որ նրանք կատարել են իրենց առջև դրված խնդիրը. Մինսկում իրավիճակը կայուն է, փողոցներն ապաշրջափակված են, հիմնական ճանապարհների երթևեկությունը` վերականգնված:
Բելառուսում կարո՞ղ է կրկնվել հայաստանյան սցենարը` ընդդիմությունը ճիշտ էր, մենք սխալվեցինք
Ավելի վաղ քաղաքի կենտրոնը փակելու պատճառով բողոքի ակցիաները տեղափոխվել էին քաղաքի ծայրամասեր, բայց ոստիկանության ուժեղացված ջոկատներն անմիջապես տեղափոխվել էին այնտեղ:
Լուկաշենկոն ստիպված կլինի՞ թողնել պաշտոնը. ըստ Մարկարովի` հանգուցալուծման 2 տարբերակ կա
Հիշեցնենք`Բելառուսի ընդդիմության կողմնակիցները փողոց են դուրս եկել օգոստոսի 9-ին կայացած նախագահական ընտրություններից հետո։ Նրանք համաձայն չեն արդյունքների հետ, որոնց համաձայն` գործող նախագահ Ալեքսանդր Լուկաշենկոն ստացել էր ձայների ավելի քան 80 տոկոսը:
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ