ԵՐԵՎԱՆ, 11 օգոստոսի – Sputnik. 37-ամյա դերասանուհի Նատալյա Ռուդովան, որին նկատել են «ՌԵՍՈ–գարանտիա» ընկերության սեփականատիրոջ որդու` Սերգեյ Սարկիսովի հետ, հղի է։ Տեղեկությունը հայտնում է Super.ru–ն։
Լրատվամիջոցի հրապարակած կադրերում, որոնք արվել են Մոսկվայի ամառային բաց պատշգամբներից մեկում, երևում է աղջկա կլորացած փորը։ Նրան ուղեկցում է մի երիտասարդ, որի դեմքը չի երևում։ Ամենայն հավանականությամբ նրանք գտնվում են Լապինո կլինիկայի տարածքում, որտեղ բազմաթիվ ռուսական աստղեր են ծննդաբերել։
«Ամենահետաքրքիր հարցը, թե ով է հայրը, դեռ պատասխան չունի։ Նատալյայի ծանոթներն ասում են, որ Ռուդովան հղիության վաղ շրջանում է և արդեն գերադասում է պակաս զվարճալի և աղմկոտ կենսակերպ վարել», – գրված է տեսանյութին կից։
«Շնորհակալություն» կորոնային, կամ ինչպես են հայ հայտնիները հանգստացել Հայաստանում
Օգտատերերից շատերը դերասանուհու հղիությանը չեն հավատացել և բազմաթիվ զայրացած մեկնաբանություններ են գրել. «Ես ամեն օր ճաշից հետո այսպես հղի եմ», «Երևում է, որ դերի մեջ է», «Շատ ուրախ եմ նրա համար», «Վատ բեմադրություն չէ», «Արդեն համարյա 40 տարեկան է, ժամանակն է», «Կարծում եմ` կատակ է», «Հայրիկն էլ միլիոնատեր հայ է, չէ՞»։
Սիրուն Մինասը մայրանալուց հետո առաջին անգամ ընտանեկան լուսանկար է հրապարակել
Ինքը` Ռուդովան, մի քանի ժամ առաջ լուսանկար է հրապարակել և կից գրել. «Այնպես եմ ուզում, որ ամառը չավարտվի...»։
Գրառմանը հաջորդել են մեկնաբանությունները. «Գեղեցկուհի», «Ի՞նչ է եղել ձեռքիդ», «Փորիկն է թաքցրել», «Հետաքրքիր է` հղի է, թե ոչ»։
Նշենք, որ սա Նատալյայի առաջին հղիությունն է։ Նա ամուսնացած չէ և նրա անձնական կյանքի մասին գրեթե ոչինչ հայտնի չէ։ Նրան բազմաթիվ անգամ նկատել են «ՌԵՍՈ–գարանտիա» ընկերության սեփականատիրոջ որդու` Սերգեյ Սարկիսովի հետ, բայց նրանցից որևէ մեկը չի հաստատել սիրավեպի մասին խոսակցությունները։ Սերգեյ Սարկիսովը սովորում է Միջազգային հարաբերությունների պետական ինստիտուտի (МГИМО) տնտեսագիտության ֆակուլտետում և զուգահեռ աշխատում հոր ընկերությունում։