ԵՐԵՎԱՆ, 8 օգոստոսի - Sputnik. Հայտնի երգչուհի Մրայա Քերիի քույրը՝ Էլիսոնը, դատի է տվել մորը՝ Պատրիսիա Հիքիին` հայտարարելով, որ մայրը տասը տարի շարունակ ստիպել է իրեն սեքսով զբաղվել անծանոթների հետ։ Տեղեկությունը հայտնում է The Sun–ը։
Էլիսոնի խոսքով՝ Պատրիսիան տրվել է սատանայական պաշտամունքի ու դստերը ստիպել է հետևել մեծահասակների ու անչափահասների սեռական հարաբերություններին։ Մրայա Քերիի քույրը տեսել է` ինչպես են մյուս երեխաները մասնակցում սատանայական հավաքներին, որտեղ ծիսական զոհաբերություններ են անցկացվել ու դաժանաբար վարվել նրանց հետ։
ԶԼՄ–ները գրում են, որ Էլիսոնը բարդ երեխա է եղել։ Երբ 15 տարեկան Մրայան գնացել է մոր՝ նախկին օպերային երգչուհու հետքերով ու սկսել է վոկալով զբաղվել, ավագ քույրը հղիացել է ու փախել տնից։ Նյութական ծանր վիճակում հայտնվելով՝ նա սկսել է մարմնավաճառությամբ զբաղվել ու վարակվել է ՄԻԱՎ-ով։
Երգչուհի Պոլինա Գագարինան բացահայտել է 30 կգ նիհարելու գաղտնիքը
Հիմա Էլիսոնը 57 տարեկան է։ Նա ասել է, որ մինչ օրս հետտրավմատիկ սթրեսային խանգարում ու դեպրեսիա ունի։ Այդ ամենը հանգեցրել է թմրամոլության։ Նա պահանջում է, որ մայրը դրամական փոխհատուցում վճարի հոգեբանական ու ֆիզիկական վնասի դիմաց։