ԵՐԵՎԱՆ, 8 օգոստոսի – Sputnik. ՀՀ վարչապետ Նիկոլ Փաշինյանը Facebook–ում #ԿառուցենքՀայաստանըՆորովի հեշթեգով հերթական տեսանյութն է հրապարակել, որը պատմում է Լոռու մարզում կատարվող աշխատանքների ու դրանց արժեքի մասին։
Ըստ այդմ` հիմնանորոգվում է Լոռի Բերդ–Լեջան 3.8 կմ ճանապարհը, պայմանագրային արժեքը` շուրջ 272 մլն դրամ։ Աշխատանքները նախատեսում են ավարտել 2020 թվականին։
Սուբվենցիոն ծրագրով Մարգահովիտում կառուցվում է ֆուտբոլային մարզադաշտ։ Ծրագրի ընդհանուր արժեքը` 20.6 մլն դրամ, կառավարության համաֆինանսավորումը` 12.4 մլն, համայնքի ներդրումը` 8.2 մլն։
Հիմնանորոգվում է Ուռուտ–Սվերդլով–Պրիվոլնոյե 13 կմ ճանապարհը, պայմանագրային արժեքը` շուրջ 1 մլրդ 134 մլն դրամ։ Աշխատանքները նախատեսում են ավարտել 2020 թվականին։
Հիշեցնենք` #ԿառուցենքՀայաստանըՆորովի հեշթեգով տեսանյութերում արդեն ներկայացվել են Սյունիքի, Տավուշի, Արարատի մարզերում կատարված աշխատանքները։