ԵՐԵՎԱՆ, 6 օգոստոսի - Sputnik. Ֆրանսիայի Հավր քաղաքում զինված տղամարդը պատանդներ է վերցրել բանկում։ Տեղեկությունը հայտնում է «Figaro»–ն։
Նշվում է, որ «Bred» բանկի բաժանմունքում, որը գտնվում է Հավրի կենտրոնում, զինված տղամարդ է հայտնվել: Այդ պահին ներսում մի քանի հաճախորդներ ու աշխատակիցներ են եղել, տղամարդը հենց նրանց էլ պատանդ է վերցրել։
Տեղեկություններ կան, որ տղամարդն ատրճանակով է զինված։
Դեպքի վայր են ժամանել ոստիկանները։ Տարածքը շրջափակված է։
Ուկրաինայի Պոլտավա քաղաքում տղամարդը պատանդ է վերցրել գնդապետին. տեսանյութ