ԵՐԵՎԱՆ, 5 օգոստոսի - Sputnik. Իտալիայի Պատգամավորների պալատն այսօր 414 ձայնով միաձայն կողմ քվեարկեց ՀՀ-ԵՄ Համապարփակ և ընդլայնված գործընկերության համաձայնագրի վավերացմանը: Տեղեկությունը հայտնում է Իտալիայում Հայաստանի դեսպանատունը:
Առաջիկայում համաձայնագիրը կներկայացվի Իտալիայի Հանրապետության նախագահի ստորագրմանը։
Հիշեցնենք` Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագիրը ստորագրվել էր 2017թ.–ի նոյեմբերի 24-ին Բրյուսելում:
Այն արդեն վավերացրել են Բուլղարիան, Չեխիան, Դանիան, Գերմանիան, Էստոնիան, Իռլանդիան, Կիպրոսը, Լատվիան, Լիտվան, Լյուքսեմբուրգը, Հունգարիան, Մալթան, Լեհաստանը, Ռումինիան, Սլովակիան, Ֆինլանդիան, Միացյալ Թագավորությունը և Հայաստանի Հանրապետությունը:
Ս.թ. հուլիսի 7-ին համաձայնագրին կողմ էր քվեարկել նաև Հունաստանի խորհրդարանը: