ԵՐԵՎԱՆ, 4 օգոստոսի — Sputnik. Հայկական ռեստորանների միության անդամները հայտնվել են անհարմար դրության մեջ, քանի որ Երևանի քաղաքապետարանը չի ընդառաջում նրանց: Տեղեկությունը հրապարակել է «Ժողովուրդ» օրաթերթը։
Հայկական ռեստորանների միության տնօրեն Վահե Գևորգյանը «Ժողովուրդ» օրաթերթի հետ զրույցում անկեղծացել է՝ նշելով, որ քաղաքապետարանը զիջումների չի գնացել և ռեստորանային բիզնեսից վերցրել է սեզոնային տուրքերը:
«Օրինակ, Երևանի քաղաքապետարանի հետ կապված խնդիր կա. բիզնեսը չաշխատելով, սեզոնային տուրքերը վճարել է քաղաքապետարանին, իսկ քաղաքապետարանն ընդհանուր առմամբ չի ընդառաջել: Չէ՞ որ բիզնեսն այդ ժամանակ չի աշխատել, կարելի էր դա ինչ-որ հաշվանցել: Քանի որ բացօթյա տարածքներն են միայն զբաղեցնում, և մեր քաղաքացիները նախընտրում են բաց տեղերում նստել, իսկ բացօթյա տարածքներում սրճարանների տարածքները պարետատան որոշումներով կրճատված է հեռավորությունը պահպանելու նպատակով, այս պատճառով քաղաքապետարանին մենք առաջարկել էինք, որ սրճարանները մի քանի սեղան ավել կարողանան դնել նոր բացված սեզոնի համար, գոնե այդպես կկարողանան շրջանառության ինչ-որ տոկոս վերականգնել, բայց արձագանք չկա: Մենք այդ մասով փորձելու ենք աշխատել: Մենք ուզում ենք այս թեմայի շուրջ հանդիպել հենց քաղաքապետի հետ և հույս ունենք, որ հենց այդ մակարդակով լուծում կտրվի»,–ասել է նա:
ՄԻՊ-ը ռեստորանային ոլորտի հետ կապված 2 դիմում է ներկայացրել պարետին
Թերթը գրում է, որ քաղաքապետի հետ հանդիպելու առաջարկին ևս քաղաքապետարանից չեն արձագանքել, և որ արելի է ասել՝ քաղաքապետի նկատմամբ ողջ քաղաքն է «հետախուզում հայտարարել»:
Ռեստորանները վարակի աղբյո՞ւր են․ ոլորտի ներկայացուցիչներին մտահոգել է Թորոսյանի ասածը