ԵՐԵՎԱՆ, 28 հուլիսի — Sputnik. Ռուսաստանի հայերի միության նախագահ Արա Աբրահամյանը քննարկում է կազմակերպել Մոսկվայում ու Մերձմոսկվայում հայերի ու ադրբեջանցիների միջև տեղի ունեցած ընդհարումների հարցով: Տեղեկությունը հայտնում է Ռուսաստանի հայերի միության լրատվական ծառայությունը:
Հուլիսի 28-ին կայացած հանդիպում-քննարկմանը մասնակցել են Մոսկվայի ու Մերձմոսկվայի այն բնակավայրերի հայ համայնքի ներկայացուցիչները, որտեղ տեղի են ընդհարումները:
Իսկ հանդիպումն անցկացվել է «Սայաթ–Նովա» ռեստորանային համալիրում, որի վրա ուրբաթ օրը ադրբեջանցիները հարձակման փորձ էին արել:
Հանդիպմանը մասնակցել են հայ համայնքի, ՌԴ նախագահի աշխատակազմի, Ազգությունների հարցերով դաշնային գործակալության ավելի քան 250 ներկայացուցիչ:
Ավելի քաղաքակիրթ․ ինչպե՞ս են հայ արտահանողները Ռուսաստանում լուծում «ադրբեջանական խնդիրը»
Արա Աբրահամյանը ներկաներին տեղեկացրել է հայերի միության՝ ՌԴ իշխանությունների, իրապապահ մարմինների, հասարակական կազմակերպությունների, այդ թվում՝ ադրբեջանական համայքի հետ համատեղ ձեռնարկած քայլերի մասին:
Նա հայրենակիցներին կոչ է արել լինել համախմբված, բայց չձեռնարկել չմտածված որևէ քայլ:
«Աշխարհի 10 միլիոնանոց սփյուռքն այսօր զինվորներ են՝ պատրաստ պաշտպանելու Հայաստանը Ադրբեջանի ու Թուրքիայի ոտնձգություններից»,- ասել է Աբրահամյանը:
Ռուսաստանի հայերի միության նախագահի խոսքով` այն, որ շուկաների ու խանութների ադրբեջանցի սեփականատերերն այսօր զիջել են դիրքերը, խոսում է այն մասին, որ «Ռուսաստանի իշխանությունը բոլորին դաժանաբար ցույց է տվել, որ Ռուսաստանում գործում են ռուսաստանյան օրենքները, և որ ո՛չ Բաքուն, ո՛չ Ստամբուլը չեն կարող այստեղ իրենց կանոնները թելադրել»:
Արա Աբրահամյանը բոլոր ներկաներին շնորհակալություն է հայտնել հանդիպմանը մասնակցելու ու վերջին օրերի համախմբվածության համար:
Հիշեցնենք` օրերս Մոսկվայի մեծածախ շուկաներից մեկից՝ «Ֆուդ սիթի» գյուղմթերքի շուկայից, հանել էին հայկական ապրանքներով բեռնված բեռնատարները (շուկան պատկանում է ծագումով ադրբեջանցի գործարարներ Գոդ Նիսանովին և Զարահ Իլիևին):
Սակայն հաջորդ օրը Ռուսաստանի հայերն արագ հավաքվել էին Մոսկվայում և գնել բոլոր ծիրանները։
Հետո արդեն հայ գործարարները վաճառականներին տեղեր առաջարկեցին իրենց առևտրի կենտրոններում։
«Խնդրում եմ` պահպանեք օրենքները». Բյուլբյուլօղլին դիմել է ռուսաստանաբնակ ադրբեջանցիներին