ԵՐԵՎԱՆ, 25 հուլիսի — Sputnik. Կորոնավիրուսի դեմ պատվաստումն անվճար կլինի։ Տեղեկությունը հայտնել է Մոսկվայի քաղաքապետ Սերգեյ Սոբյանինը «Ռոսիա 1» հեռուստաալիքի եթերում:
Նրա խոսքով ՝ պատվաստանյութի մշակումն ավարտելուց անմիջապես հետո իշխանությունները համընդհանուր պատվաստման կանցնեն։ Սոբյանինը նշել է, որ մայրաքաղաքի ամբողջ ամբուլատոր ցանցը պատվաստում կիրականացնի: Քաղաքապետը նաև ընդգծել է, որ այս տարի կուժեղացվեն նաև գրիպի դեմ պատվաստումները, որպեսզի երկու վիրուսները միաժամանակ չտարածվեն:
Սոբյանինը նաև տեղեկացրել է, որ թեև թեստավորման ծավալների ավելացման հետևանքով վարակվածների թիվն աճում է, ընդհանուր առմամբ միտումները դեպի նվազում են գնում:
Ավելի վաղ Սոբյանինը հայտարարել էր, որ կորոնավիրուսի նկատմամբ կոլեկտիվ իմունիտետ է ստեղծվել մոսկվացիների 60 տոկոսի մոտ: Նրա խոսքով ՝ կոլեկտիվ իմունիտետի հետ կապված նույն իրավիճակն է նաև Նյու Յորքում։
«Պատվաստանյութային ազգայնականություն». ինչո՞ւ է Արևմուտքն անհանգիստ շարժումներ անում
Ռուսաստանում COVID-19-ի պատվաստանյութի վրա աշխատում են առնվազն 17 գիտական կազմակերպություններ: