ԵՐԵՎԱՆ, 24 հուլիսի – Sputnik. «Հրապարակ» թերթը գրում է, որ կառավարությունը ՍԴ դատավորի թեկնածու է առաջադրել ՀՀ երրորդ նախագահ Սերժ Սարգսյանի կառավարման ժամանակ բոլոր քրեական-քաղաքական դատավճիռները կայացրած,Դատավորների միության նախկին փոխնախագահ Դավիթ Ավետիսյանի որդուն` Վահրամ Ավետիսյանին։
Երեկ հայտնի դարձավ, որ կառավարությունը Սահմանադրական դատարանի դատավորի պաշտոնում առաջադրել է իրավաբան Վահրամ Ավետիսյանի թեկնածությունը։ Նրան ներկայացրին կառավարության երեկվա նիստում։
«Վահրամ Ավետիսյանն իրավագիտության դոկտոր, պրոֆեսոր է, վճռաբեկ դատարանի քրեական պալատի նախկին նախագահ, Դատավորների միության նախկին փոխնախագահ Դավիթ Ավետիսյանի որդին։ Դավիթ Ավետիսյանին դատական համակարգում շատ լավ են ճանաչում։ Նրա աչալուրջ «հսկողության» տակ էին Սերժ Սարգսյանի օրոք կայացվում քրեական գործերով բոլոր դատավճիռները։ Չկար գեթ մեկ դատական ակտ, որը նախապես չհամաձայնեցվեր Դավիթ Ավետիսյանի հետ»,–նշված է հոդվածում։
«Հրապարակի» տեղեկություններով `Սերժ Սարգսյանի 10-ամյա կառավարման ժամանակ բոլոր քրեական-քաղաքական դատավճիռները կայացվել են Դավիթ Ավետիսյանի կողմից և նրա անմիջական մասնակցությամբ, այդ թվում՝ Մարտի 1-ի գործով քաղբանտարկյալների, նաև Նիկոլ Փաշինյանի և մյուսների դատավճիռները։
«Հիմա նրա որդին իրականացնելու է Նիկոլ Փաշինյանի «սահմանադրական արդարադատությունը»՝ Հրայր Թովմասյանի և Ֆելիքս Թոխյանի փոխարեն»,–գրել է թերթը:
Վճռաբեկ դատարանի 9 դատավորներից 6-ը հրաժարվել են մասնակցել ԲԴԽ անդամի ընտրությանը
Նշենք, որ Դավիթ Ավետիսյանը 1980 թվականից մինչև 1982 թվականն աշխատել է ՀԿԿ Նաիրիի շրջկոմի բաժնի վարիչ։1982 թվականից մինչև 1991 թվականն աշխատել է Նաիրիի շրջանի ժողդատարանի դատավոր։1991 թվականից մինչև 1998 թվականը հանդիսացել է ՀՀ Գերագույն դատարանի անդամ։1998 թվականից մինչև 2007 թվականն աշխատել է ՀՀ Վճռաբեկ դատարանի քրեական պալատի դատավոր։2008 թվականի հունվարից զբաղեցրել է ՀՀ վճռաբեկ դատարանի քրեական պալատի նախագահի պաշտոնը:
1998 թվականից մինչև 2005 թվականն եղել է Արդարադատության խորհրդի անդամ:
2003 թվականից մինչև 2008 թվականը հանդիսացել է ՀՀ դատավորների միության փոխնախագահ:
ՍԴ դատավորներ առաջադրելու ժամանակը հոսում է. Բադասյանը վստահ է` ՍԴ կազմն արագ կհամալրվի