Սեխն ամենահամեղ և բուրավետ պտուղների մեկն է, որին անհամբեր սպասում են ամռանը։ Կարողանում է հագեցնել և՛ ծարավը, քանի որ շուրջ 90%–ով բաղկացած է ջրից, և՛ հագեցնել քաղցը` մարդու օրգանիզմին անհրաժեշտ տարբեր միկրոտարրերի շնորհիվ։
Այս մշակաբույսի մեջ մեծ քանակությամբ ասկորբինաթթու և ֆոլաթթու կա։ Կարևոր է նշել, որ ասկորբինաթթուն ըստ էության նույն վիտամին С–ն է, որն օրգանիզմը պահում է տոնուսի մեջ և ամրապնդում իմունիտետը։
Ինչ վերաբերում է ֆոլաթթվին, ապա այն օրգանիզմում պահպանում է երկաթի մակարդակը։ Ֆոլաթթվի բարձր պարունակության հաշվին սեխն առավել օգտակար է հղիներին և կերակրող կանանց։
Այս հյութալի պտուղը հարուստ է նաև А և В վիտամիններով։ Բացի այդ, այն ֆոսֆոր, քլոր և յոդ է պարունակում։
Հակաբորբոքային միջոց
А և С վիտամինները հզոր հակաօքսիդանտներ են և օրգանիզմը պաշտպանում են ազատ ռադիկալներից, որոնք վնասում են ԴՆԹ–ի մոլեկուլները և բորբոքային ռեակցիաներ են առաջացնում։ Ավելին, այդ հակաօքսիդանտները կարող են խոչընդոտ դառնալ քաղցկեղի, սրտանոթային և այլ հիվանդությունների զարգացման համար։
Ինչպես է ազդում մարսողության վրա
Բջջանյութն ու ջուրը նպաստում են մարսողությանն ու խոչընդոտում փորկապության առաջացումը։
Լավ է տեսողության համար
Սեխն օգնում է պահպանել սրատեսությունը` պաշտպանելով կատարակտայի և մոլեկուլյար դեգեներացիայի զարգացումից։ Սրանք առավել հաճախ զարգացող հիվանդություններ են, որոնք ի հայտ են գալիս տարիքի հետ։
Հակացուցումներ կա՞ն
Սեխն ընդհանուր առմամբ առողջական խնդիրներ չի առաջացնում, բայց սննդային թունավորման հավանականությունը չի կարելի բացառել։
Հաճախ սեխը կարող է ալերգիկ ռեակցիաներ առաջացնել, որոնք դրսևորվում են կոկորդի ու շուրթերի քորի և նույնիսկ լեզվի, բերանի լորձաթաղանթի ու կոկորդի այտուցի տեսքով։
«Վայ, համով ջան». փոքրիկ խոհարարը ժենգյալով հացի վարպետության դաս է տալիս. տեսանյութ
Թեև մի շարք երկրներում հյութալի սեխն օգտագործում են մթերքի այլ տեսակների հետ (միջերկրածովյան երկրներում, օրինակ, կարող են մատուցել խոզապուխտի ու ծովախեցգետնի հետ, իսկ Իտալիայում` պանրի, օրինակ` մոցարելայի), ընդհանուր առմամբ այն անհամատեղելի է համարվում ցանկացած այլ մթերքի հետ։ Նման կոմբինացիաները կարող են մարսողական խնդիրներ առաջացնել։ Այնպես որ խորհուրդ է տրվում սեխից հետո որոշ ժամանակ ուրիշ ոչինչ չուտել։
Ինչպես հասկանալ` սեխը հասած է, թե ոչ
Սեխի քաղցր համը կախված է նրա թարմության աստիճանից. որքան թարմ է, այնքան քաղցր։ Մասնագետները խորհուրդ են տալիս սեխը պահել ձեռքերում, և եթե այն սպասվածից ծանր թվա, ուրեմն հասած է։
«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս
Հասած սեխը հատուկ բույր ունի, իսկ կեղևը բութ մատով սեղմելիս մի քիչ փափուկ է լինում։
Եթե սեխը դեռ լավ չի հասել, կարելի է մի քանի օր պահել տանը։ Խորհուրդ է տրվում չլվանալ, որպեսզի շուտ չփչանա։
Արգանակ եփելիս ինչպե՞ս խուսափել փրփուրից. հայ խոհարարի խորհուրդները