ԵՐԵՎԱՆ, 23 հուլիսի — Sputnik. Հովտամեջ գյուղի 72–ամյա բնակիչն իր տան բակում կանեփ է աճեցրել թմրանյութ պատրաստելու և օգտագործելու համար։ Տեղեկությունը հայտնում են ՀՀ ոստիկանության լրատվական ծառայությունից։
«Ոստիկանության Վաղարշապատի ծառայողները Հովտամեջ գյուղի տներից մեկի բակում նկատել են կանեփի կանաչ բույսեր։ Բացատրական աշխատանքի շնորհիվ 72-ամյա տանտերն իր ջերմատնից ոստիկաններին է ներկայացրել կանեփի նմանվող բույսեր՝ ցողուններն առանձնացված վիճակում։ Ըստ տանտիրոջ` հայտնաբերված կանեփն ինքն է աճեցրել թմրանյութ պատրաստելու և օգտագործելու համար»,–նշված է հաղորդագրության մեջ։
Բացի այդ, Վաղարշապատի ոստիկաններն այցելել են Վարդան Մամիկոնյան փողոցի տներից մեկն ու բակում հայտնաբերել 70 կգ քաշով կանեփի բույսեր։ Բացի այդ, տանտերը ոստիկաններին ներկայացրել է շուրջ 70 գրամ քաշով մարիխուանա թմրամիջոցի նմանվող չորացված, մանրացված զանգված։
Հսկել են, որ կանեփն աճի, հետո` առգրավել. կառավարությունը մտադիր է օրինականացնե՞լ կանեփը
Տանտերը հայտնել է, որ հայտնաբերվածն իրենն է՝ իր օգտագործման համար։
Երկու դեպքով էլ նշանակվել է փորձաքննություն։ Նախապատրաստվում են նյութեր։