ԵՐԵՎԱՆ, 20 հուլիսի – Sputnik. Այսօր լրացուցիչ ևս մեկ հանձնաժողով է ստեղծվել Տավուշում, որը կուսումնասիրի հրետակոծությունների հետևանքով գյուղատնտեսական վնասները։ Իջևանում մամուլի ասուլիսի ժամանակ տեղեկությունը հայտնեց Տավուշի մարզպետ Հայկ Չոբանյանը։
Բացի այդ, ստեղծվել են նաև սոցիալ-հոգեբանական հանձնաժողովներ, որոնցում ներգրավված են հասարակական և միջազգային տարբեր կառույցներ։
«Մեր գործընկերների հետ շատ ակտիվ պետք է աշխատենք սոցիալ-հոգեբանական իրավիճակի ուսումնասիրության և համապատասխան միջոցառումներ կատարելու ուղղությամբ, այդ թվում` մեր երեխաների ամառային հանգիստը, արձակուրդները հավուր պատշաճի կազմակերպելու համար, իհարկե համավարակի կանոնները լիարժեք պահպանելով»,-նշեց Չոբանյանը։
Անդրադառնալով Տավուշում տիրող իրավիճակին` մարզպետը նշեց, որ այսօր առավոտից արդեն հնարավորություն ունեն ակտիվությամբ ներգրավվելու տնտեսական կյանքի, առօրյայի մեջ , որովհետև այդպիսի իրավիճակ է նաև Բերդ համայնքում և սահմանամերձ գյուղերում։
«Մարդիկ լիարժեք ներգրավված են իրենց աշխատանքի մեջ։ Մեծ ծավալով ընթանում են վերականգնողական աշխատանքներ ,բայց դրանցից զատ, առավել կարևոր է ամբողջությամբ վերադառնալը բնականոն աշխատանքին։ Վերականգնողական գործընթացին այսօրվանից կսկսի փոխարինել զարգացման ծրագրերը, մենք կփորձենք վերանվանել այդ տերմինը և ակտիվորեն զբաղվել այս տարածաշրջանի և հատկապես սահմանամերձ գյուղերի զարգացման ծրագրերով։ Ցանկացած խնդիր լուծելով սահմանամերձ գյուղում, մենք լուծում ենք մեր երկրի սահմանների անվտանգության խնդիրը»,-շեշտեց Տավուշի մարզպետը։
Մարզպետը նշեց նաև, որ այս պահի դրությամբ Տավուշում կա 50 շինություն, որոնք այս կամ այն չափով վնասվել են, դրանցից 12-ում արդեն սկսվել են վերանորոգման աշխատանքները։ Ամեն ինչ արվելու է, որ մինչև այս տարվա վերջ բոլոր ավերված տները վերականգնվեն։
Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:
Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։
Ադրբեջանական կողմը մարտերից հետո տեղափոխում է իր խոցված զրահատեխնիկան. լուսանկարներ
Հուլիսի 18-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։
Ադրբեջանը հայկական դիրքերի ուղղությամբ ՀԱՆ-17 տիպի նռնականետ է կիրառել